Payebilindî
Welatperestî
Çekên qelsan e:
Jarî û mestî
Zana û jîr im
Bindestê dijmin
Çiqas dijwar e
Ewreng bindestî
Destan vemalin
Dakevin meydan
Eger dixwazin
Bigrin serbestî
Ey gernasên kurd
Rabin weke şêr
Ji xwe bawêjin:
Xwarî û sistî!
Xebat ji bo me
Divêt bi xurtî
Dilpak û zana
Gelek bi ristî
Welat xweş bûke
Xwîna me qelen
Naxî ber sîngê
Bûkê nexwestî
Metirse ko kurd
Pir paşde maye
Kesî nedî goşt
Bê çerm û hestî
Qûnax bi qûnax
Diçî ser çiyê
Raste di vê rê
Gelek diwestî
Welat ta kengî
Wilo parçe bîş
Em tev di nav de
Jar û şikestî
Cigerxwîn îro
Gel pir şiyare
Bese metirse
Kêr gîha hestî!
